मुख्य सचिव एकनारायण अर्यालले नागरिकलाई सेवा प्रदान गर्न र विकास निर्माणका कार्यलाई प्रभावकारी बनाउन रोक्ने र अवरोध सिर्जना गर्ने सबै खाले कार्यविधि र निर्देशिका खारेजीको प्रक्रिया थाल्न निर्देशन दिएका छन् ।
बिज्ञापन
यस अघि भएका सचिवस्तरीय बैठकका निर्णयको प्रभावकारी कार्यान्वयन नभएको गुनासो चुलिरहेको समयमा थप दर्जन निर्देशनहरु दिइएको हो । मुख्यसचिव एकनारायण अर्यालको अध्यक्षतामा बसेको सचिव बैठकले यस्तो निर्देशन दिएकामे हो । सरकारले नागरिकलाई सेवा प्रदान गर्न एवं विकास निर्माणका कार्यलाई प्रभावकारी बनाउन कुनै कार्यविधि र निर्देशिकाले अवरोध गरेको पाइएमा त्यस्ता कार्यविधि तथा निर्देशिकाहरु खारेज गर्न सम्वन्धित मन्त्रालय र निकायलाई निर्देशन दिएको छ ।
बिज्ञापन
यस्तै बैठकले सार्वजनिक कार्यालयहरुका सूचना प्रणालीमा देखिएका कमजोरी समाधान गर्न सूचना प्रविधि प्रणालीको परीक्षणलाई प्रभावकारी बनाउने , सञ्चार मन्त्रालय र विद्युतीय सुशासन आयोगले सबै सार्वजनिक निकायमा प्रयोग भएका सफ्टवेयरको सुरक्षा परीक्षण ३ महिना भित्र सम्पन्न गरी प्रधानमन्त्री तथा मन्त्रिपरिषद् कार्यालयमा प्रतिवेदन पेश गर्नुपर्ने, संसदको आगामी हिउँदे अधिवेशसनमा पेश गर्नुपर्ने आफ्नो मन्त्रालयसँग सम्वन्धित विधेयकको सूची सबै मन्त्रालयले तयार गरी सरकारका मुख्य सचिव र कानुन मन्त्रालयलाई सात दिन भित्र उपलब्ध गराउनुपर्ने निर्णय समेत गरेको छ ।
यस्का अलवा संयुक्त राष्ट्रसंघबाट डिसेम्बर २१ लाई विश्व ध्यान दिवस घोषणा भएको सन्दर्भमा सो दिन आगामी पौष ६ गते विश्वव्यापी सद्भावका लागि आन्तरिक शान्ति भन्ने नाराका साथ विश्व ध्यान दिवस देशव्यापी रुपमा मनाउने र यसका लागि आयोजक समिति गठन गर्ने निर्णय गरिएको छ ।
एकनारायण अर्याल मुख्यसचिव भए यता सचिव बैठकले तीन पटक गरी ४३ वटा निर्णय गरे पछि प्रभावकारी कार्यान्वयन हुन सकेको छैन । भदौं १३ मा अर्याल मुख्य सचिव बनेपछि पहिलो पटक असोज ७ गते २४,कार्तिक ५ मा ८ र मंसिर ४ गते बसेको सचिव बैठकले ११ वटा निर्णय गरेको थियो । यी निर्णय समेत प्रभावकारी कार्यन्वयन नभएको अवस्थामा थप निर्णयहरु भएका छन् ।
हिजोको बैठकले यस अघिका बैठकले गरेका निर्णयहरु केही कार्यान्वयन भएका र केहि कार्यान्वयनको क्रममा रहेका निर्णयलाई सबै निकायहरुले तदारुकताका साथ कार्यान्वयन गर्ने निर्णय गरेको जनाइएको छ ।
बिज्ञापन
